Tsa ban langai na Hkristan ni gaw, mungkan ga htum hkra Mungdan kabu gara shiga chyam bra na matu hkaw tsun wa ma ai. Yesu gaw gara shara kaw hkaw na matu lam matsun jaw nna, masha ni tinang a amyu ga hku chye na hkra sharin ya na matu mauhpa atsam jaw wa ai. Yehowa gaw shanhte hpe nden marai nga wa hkra hte zingri zingrat hkrum ai shaloi tawt lai lu hkra atsam jaw wa ai.

Yesu gaw kasa Yawhan hpe Yehowa a hpung shingkang hpe mu na matu shingran jaw wa ai. Kaga shingran langai hta, sumsing lamu Mungdan gaw Satan hte shi a uphkang ai lam hpe htani htana jahtum kau ai lam mu wa ai. Hkawhkam Yesu hte 144,000 arau uphkang nga ai hpe mung shi mu wa ai. Mungkan ting hparadisu byin wa nna, dai hta masha yawng gaw ngwi pyaw simsa ai hte kahkyin gumdin let, Yehowa hpe nawku dawjau nga ai hpe mung mu wa ai.