Maelesyo ma Kĩlungu kya 14
Aklĩsto ma ĩvinda ya atũmwa nĩmatavanisye ũvoo mũseo wa Ũsumbĩ kũvika kũndũ kũasa ĩũlũ wa nthĩ. Yesũ nĩwamatavisye vala maĩle kũtavanyʼa na amanenga ũtonyi wa kũneena na ithyomo syĩ kĩvathũkanyʼo nĩ kana mamanyĩsye andũ. Yeova nĩwamanengie ũtonyi na ũkũmbaũ wa kũmĩĩsya yĩla mavĩngwa.
Yesũ nĩwoonisye mũtũmwa Yoana woni ĩũlũ wa ũtheu mũtisu wa Yeova. O na nĩwamwonisye ĩũlũ wa Ũsumbĩ wa Ngai wa ĩtunĩ ũisinda Satani na kũmina ũsumbĩki wake tene na tene. Woninĩ ũsu Yoana nĩwoonie Yesũ e Mũsumbĩ na asumbĩkĩte na asumbĩ angĩ 144,000. Na ĩngĩ Yoana nĩwoonie nthĩ yonthe yĩ valatiso na kĩla mũndũ aendeee kũmũthaitha Yeova, kwĩ mũuo na kwĩ ngwatanĩo.
KĨLUNGUNĨ KĨĨ
ĨSOMO YA 95
Vaiĩ Kĩndũ Kyaĩ Kĩtonya Kũmasiĩĩa Kũtavanyʼa
Atongoi ma ndĩni ala matumie Yesũ oawa nĩmendaa amanyĩwʼa maeke kũtavanyʼa. Ĩndĩ nĩmaemiwe.
ĨSOMO YA 97
Kolinelio Nĩwakwatie Veva Mũtheu
Nĩkĩ Ngai watũmie Vetelo athi mũsyĩ kwake o na kau mũndũ ũsu ndaĩ Mũyuti?
ĨSOMO YA 98
Ũklĩsto Nĩwanyaĩĩkie Nthĩ Mbingĩ
Mũtũmwa Vaulo na ana-a-asa angĩ nĩmaendie kũtavanyʼa ũvoo mũseo kũndũ kũasa.
ĨSOMO YA 99
Mũsikalĩ wa Yela Nĩwemanyĩisye Ũwʼo
Nĩkĩ ndaimoni, kĩthingitho kya nthĩ na ũvyũ iwetetwe ngewanĩ ĩno?
ĨSOMO YA 101
Vaulo Nĩwaendie Lomi
O na kau Vaulo e kyalonĩ nĩwakwatiwe nĩ mathĩna maingĩ, ndaatũlĩka ngoo.
ĨSOMO YA 102
Ũvuanyʼo Ũla Yoana Wanengiwe
Yesũ nĩwamwonisye Yoana mawoni me kĩvathũkanyʼo monanĩtye maũndũ ala maĩ methĩwe ĩvindanĩ yũkĩte.
ĨSOMO YA 103
“Ũsumbĩ Waku Wũke”
Ũvuanyʼo ũla Yoana wanengiwe nĩwonanĩtye ũndũ ũsumbĩ wa Ngai ũkaete moalyũku ĩũlũ wa nthĩ.