Bangogo ya Luyantiku ya Kitini 14
Bakristu ya ntete mwangaka nsangu ya mbote ya Kimfumu na bisika ya kuluta ntama ya ntoto. Yezu nataka bo na bisika yina bo fwete samuna mpi yandi sadisaka bo na mutindu ya kuyituka na kulonga bantu na bandinga na bo. Yehowa pesaka bo kikesa mpi ngolo ya kununga bambangika ya ngolo.
Yezu pesaka ntumwa Yoane mbona-meso ya nkembo ya Yehowa. Na mbona-meso ya nkaka, Yoane monaka Kimfumu ya zulu me nunga Satana mpi me sukisa luyalu na yandi kimakulu. Yoane monaka Yezu me kuma Ntotila mpi ke yala ti bantu 144 000. Yoane monaka mpi ntoto ya mvimba me kuma paladisu kisika bantu yonso ke sambila Yehowa na ngemba mpi na bumosi.
NA KITINI YAI
Balongoki Me Baka Mpeve Santu
Inki ngolo ya kuyituka mpeve santu pesaka bo?
Kima Mosi Ve Kangaka Bo Nzila
Bamfumu ya mabundu yina fwaka Yezu ke sosa ntangu yai na kukanga balongoki na yandi munoko. Kansi bo kukaka ve.
Yezu Me Pona Saule
Saule kele mbeni ya ngolo ya Bakristu, kansi yo zolaka kusoba.
Korneye Me Baka Mpeve Santu
Sambu na nki Nzambi tindaka Piere na nzo ya muntu yai, yina kele ve Muyuda?
Bukristu Me Yalumuka na Makanda Mingi
Ntumwa Polo ti banduku na yandi ba misionere yantikaka kusamuna na bansi ya ntama.
Muntu ya Ke Kengilaka Boloko Me Longuka Kieleka
Sambu na nki bo me tubila demo, kunikana ya ntoto, mpi mbele ya bitumba na disolo yai?
Polo ti Timoteo
Bo zole salaka kumosi bonso banduku ya kisalu bamvula mingi.
Bo Me Tinda Polo na Roma
Nzietelo kele na bigonsa mingi, kansi ata mpasi mosi ve lenda lembisa ntumwa yai.
Bambona-Meso ya Yoane
Yezu pesaka bambona-meso mingi ya me tala bilumbu ke kwisa.
“Kimfumu na Nge Kukwisa”
Bambona-meso ya Yoane ke songa mutindu Kimfumu ya Nzambi ta soba luzingu ya bantu na ntoto.
