Etwalemo loshitukulwa 14
Ovakriste vonale ova li va tandavelifa onghundana iwa yOuhamba. Jesus okwa li e va lombwela oko ve na oku ka udifa nokwe va kwafela pashikumwifilonga opo va honge ovanhu momalaka avo. Jehova okwe va pa ouladi neenghono opo va finde omahepeko.
Jesus okwa pa omuyapostoli Johannes emoniko li na sha nefimano laJehova. Memoniko limwe, Johannes okwa mona Ouhamba womeulu wa finda Satana nokuxulifa po epangelo laye fiyo alushe. Okwa mona Jesus ta pangele e li Ohamba novapangeli pamwe naye ve li 144 000. Okwa mona yo edu alishe la ninga oparadisa, novanhu aveshe tava longele Jehova mombili nomoukumwe.
MOSHITUKULWA ESHI
Ovahongwa tava tililwa omhepo iyapuki
Omhepo iyapuki oya li ye va kwafela va longe oshikumwifalonga shilipi?
Kape na osho sha li she va imba okuudifa
Ovawiliki vomalongelokalunga ovo va dipaifa Jesus ova li tava kendabala okumweneka ovahongwa vaye. Ashike kava li va pondola.
Jesus ta hoolola Saulus
Saulus okwa li omuhepeki nomutondi wOvakriste, ashike okwa ka ninga omalunduluko.
Kornelius ta tililwa omhepo iyapuki
Omolwashike Jehova a li a lombwela Petrus a ye keumbo lomunhu oo ehe fi Omujuda?
Oukriste wa tandavela moiwana ihapu
Omuyapostoli Paulus nosho yo ovatumwa ovo va li pamwe naye ova li va hovela oilonga yokuudifa moitukulwa yokokule.
Omunangeli wodolongo e lihonga oshili
Eendemoni, ekakamo ledu nosho yo eongamukonda oya pambafana ngahelipi nehokololo e li?
Paulus naTimoteus
Ovalumenhu ovo vavali ova kala ookaume novalongi pamwe oule weedula dihapu.
Paulus ta tumwa kuRoma
Olweendo lomuyapostoli ola li li yadi oiponga, ashike kape na osho sha li she mu shololifa.
Ehololo laJohannes
Jesus okwe mu ulikila omamoniko a shikulafana kombinga yonakwiiwa.
“Ouhamba woye nau uye”
Ehololo laJohannes otali ulike nghee Ouhamba waKalunga tau ka lundulula onghalamwenyo kombada yedu.
