Abakristayo ab’erimbere mubathulha engulhu yuwene y’Obwami erihika okwa nduli-nduli sy’ekihugho. Yesu mwabakangania ah’erithulira kandi omwa nzira y’ekithiko-thiko mwabathokesya erikangirirya abandu omwa mibughe yabu. Yehova mwabaha obuthubaha n’obuthoki bw’erisingura eriendereribwa erikalire.

Yesu mwathokesya omukwenda Yoane erilhangira olhukengerwa lhwa Yehova omwa nzoli. Omwa sindi nzoli, Yoane mwalhangira Obwami bw’elhubulha bukakinda Sitani n’erighunziraho ighuma obuthoki bwiwe. Mwalhangira Yesu inianemuthabalha ng’Omwami n’abandu 144,000. Kandi mwalhangira ekihugho kyosi kikabya paradiso omo obuli mundu akaramaya Yehova omwa buholho n’omwa bughuma.