A Buŋgɛi 14 Okɔɔ
Mi Kilisiɔŋaa tasiaa dimi yooŋgu kɛndɔɔ a Masale Mɛlɛkaleŋ okɔɔ o fondaŋnda leviltaŋ o chieeŋndo choo. Mi Chiisu chɔm nda fondaŋnda ndaa nɔ le yooŋgu kɛndɔɔ dimioo laŋ. Nduyɛ, o nɛi kaamaa niŋ, mbo tosa ma pɛɛku waŋnda o sɔɔŋ ndaŋ maŋgalaŋ niŋ. Mi Chɛhowa ke nda kɔl simulaa a kpaayaa le ma biunuŋ nyɛpalaa kala kala nda wa nda tusioo choo wo.
Mi Chiisu tosa mi kiilanɔɔ Chɔŋ cha naŋɔɔ Chɛhowaa o yilaŋndo niŋ. O yilaŋ cheleŋ niŋ, mi Chɔŋ cha mi Masale Mɛlɛkaleŋ le tiu Setana ba, a nyɛ o nyɛ cho ndu o ba bɛŋgu le fɛɛŋ a fɛɛŋ. Mi Chɔŋ cha Chiisu o Masaleŋ choo o choo choo niŋ, a waŋnda 144,000 a ndu latulu. Mi Chɔŋ cha vɛlɛ mi chieeŋndo kpede simnuŋ kpele hɛnɛkiɔɔ, nduyɛ waŋnda ba o ba fee wa Chɛhowa piɛiyo o kɔl nyulu niŋ.
O BUŊGƐI HEI NIŊ
SUƐI LEBOLII 94
Buɛiyaa Chiisu Wa Sɔla Nyina Diandaa
Kpaaya kɔndɔfili kuɛɛ nyina diandaa ndoo ke yɛ buɛiyaa Chiisu wa?
SUƐI LEBOLII 95
Nyɛ o Nyɛ Ndoo Nɔla Mbo Kuuna Nda Le
Simlachiaa lepiɛiyaa dii Chiisu wa cho vɛlɛ kindiŋndo le buɛiyaa nduaa kuunaa yooŋgu kɛndɔɔ dimioo. Kɛ a tiuba le.
SUƐI LEBOLII 96
Chiisu Hɛli Sɔɔ
Yaamɔɔnɔ wɔɔŋ wɔɔŋndo pila Sɔɔ wa le Kilisiɔŋnda ni, kɛ ndoo nɔ mbo siŋgaŋ.
SUƐI LEBOLII 97
Kɔniiliɔɔ Sɔla Nyina Diandaa
Le yɛɛnɛ Mɛlɛka ndoo vem yɛ Pitɛ o chiɛi laŋunɔɔ hoo, o ve hoo Chuunɔ le wo?
SUƐI LEBOLII 98
Mi Wanaa Bɔɔbɔɔ Simnuŋ Kilisiɔŋnda
Mi kiilanɔɔ Pɔɔl nda chaaŋaa nduaa misiɔnalueiya kandu yooŋgu kɛndɔɔ dimioo o fondaŋnda leviltaŋ.
SUƐI LEBOLII 99
Wana Manda Waŋnda o Chiɛi Manyumndo Niŋndo Pɛɛku Tonyaa
Vɛɛ nyina wɔɔŋndo, lɛŋnde nyiiyaaleŋ, muɛi poo chua le diinɔŋndo ve kpou cho yɛ sɔɔŋ sɔvɛ o bundɛi hei niŋ
SUƐI LEBOLII 100
Pɔɔl nda Timoti
Puaa ŋiɔɔŋnda haa wa o chaŋyɛi niŋ, nduyɛ ma tosa wallo diompilɛ le Mɛlɛka le wɔsila bɔɔbɔɔ.
SUƐI LEBOLII 101
A Kuɛ a Pɔɔl o Lɛŋnde Luomaŋ Ndeŋ Niŋ
Mi kpundɛlaŋ la komal kiilanɔɔ hoo o nɛi tɛɛŋ tau, kɛ kpundɛla laŋ la dii ndu ŋdial te.
SUƐI LEBOLII 103
“Maa Masale Numndeŋ le Huŋ”
Yilaŋuŋ Chɔŋ che woŋ chɔm mɛɛ Masale Mɛlɛkaleŋ le cho hunɔɔ yoomoo siŋga o chieeŋndo choo yɛ.