Akristu a tandu kiantete basayanesa e nsangu zambote za Kintinu yamuna zunga yandá ova nza. Yesu wabafila mu fulu ina bafwete samunuina e nsangu zambote. Muna mpil’a sivi, wabasadisa kimana basila umbangi kwa wantu muna ndinga zau za kingutukila. Yave wabavana unkabu yo nkuma mu zizidila lubangamu.

Yesu wasonga Yoane wa ntumwa e mona-meso kia nkembo a Yave. Muna mona-meso kiankaka, Yoane wamona Kintinu kia zulu kiasunda Satana yo sukisa emvimba e wisa kiandi. Yoane wamona Yesu oyalanga se Ntinu kumosi ye 144.000 m’awana beyala yandi entwadi. Yoane wamona mpe muna mona-meso vo e nza yawonso  ikitukidi se paradiso, wantu awonso bena mo Yave besambilanga mu kintwadi ye luvuvamu.