Иса Машаяктын алгачкы жолдоочулары Падышалык жөнүндөгү кабарды жердин учу-кыйырына чейин таратышкан. Ал шакирттерине каякта кабар айтышы керектигин көрсөтүп турган жана аларга башка тилдерде да кабар айтууга кереметтүү түрдө жөндөмдүүлүк берген. Жахаба аларга катуу куугунтукка чыдаганга кайраттуулук жана күч берген.

Иса элчи Жаканга аян аркылуу Жахабанын даңкын көрсөткөн. Дагы бир аянда Жакан асмандагы Падышалыктын Шайтанды жеңип, анын бийлигин жок кылганын көргөн. Ага Исанын 144 000 кошо башкаруучусу менен чогуу падышалык кылып жатканы көрсөтүлгөн.  Ал жер жүзү бейишке айланып, бүт адамдардын Жахабага тынчтыкта, биримдикте сыйынып жатканын да көргөн.