Bakreste ba kwa makalelo nebashaezi taba yende ya Mubuso kuisa kwa libaka za kwahule hahulu za lifasi. Jesu naabataluselize kwa kuyo kutaleza mi ka makazo naabakonisize kuluta batu mwa lipuo zabona. Jehova naabafile bundume ni maata a kutiyela nyandiso yetuna.

Jesu naafile muapositola Joani pono yenebonisa kanya ya Jehova. Mwa pono yeñwi, Joani naaboni Mubuso wa mahalimu inze utula Satani ni kufelisa puso yahae kuya kuile. Joani naaboni Jesu inze abusa sina Mulena ni babañwi babaka busa ni yena ba 144,000. Joani hape naaboni lifasi kaufela haliba paradaisi ili mo mañi ni mañi ulapela Jehova mwa kozo ni ka swalisano.