Bene Kidishitu babajinji, bāzambaleje myanda miyampe ya Bulopwe mu bifuko bivule bya kulampe kwine kwa ntanda. Yesu wēbaludikīle kwa kukasapula ne kwibapa bukomo mu kingelengele bwa kusapwila bantu mu yabo ndimi. Yehova wēbapēle bukankamane ne bukomo bwa kunekenya kupangwapangwa kubikubi.

Yesu wāpēle mutumibwa Yoano kimonwa kya ntumbo ya Yehova. Mu kimonwa kikwabo, Yoano wāmwene Bulopwe bwa mūlu bunekenya Satana ne kufudija bubikadi bwandi lonso. Yoano wāmwene Yesu uludika bu Mulopwe ne bantu 144 000 baludika nandi. Kadi Yoano wāmwene ntanda yonso yalamuka ke paladisa, mwine mudi’nka bantu batōta Yehova mu ndoe ne mu bumo.