Diumvuija dia Tshitupa tshia 14
Bena Kristo ba kumpala bakamuangalaja lumu luimpe lua Bukalenge, kulufikishabu too ne miaba ya kule ya pa buloba. Yezu wakabambila miaba ya kuyishabu, kubapeshaye bukole mu tshishima bua kulongesha bantu mu miakulu yabu. Yehowa wakabapesha dikima ne bukole bua kutantamena buluishi bukole.
Yezu wakaleja mupostolo Yone butumbi bua Yehowa mu tshikena kumona. Mu tshikena kumona tshikuabu Yone wakamona Bukalenge bua mu diulu butshimuna Satana ne bujikija bukokeshi buende kashidi. Yone wakamona Yezu ukokesha bu Mukalenge ne bakokeshi nende binunu 144. Wakamona kabidi buloba bujima bulua mparadizu, ne bantu bonso batendelelamu Yehowa mu ditalala ne mu buobumue.
MU TSHITUPA ETSHI
DILONGESHA DIA 94
Bayidi badi bapeta nyuma muimpe
Mbishima kayi bia bukole bivuabu benze ku diambuluisha dia nyuma muimpe?
DILONGESHA DIA 95
Bualu nansha bumue kabuvua mua kubapangisha bua kuyisha
Bamfumu ba bitendelelu bavua bashipe Yezu bakateta bua kupuwisha bayidi bende. Kadi kabakakokesha to.
DILONGESHA DIA 96
Yezu udi usungula Shaula
Shaula uvua muluishi wa tshikisu wa bena Kristo, kadi malu akavua pa kushintuluka.
DILONGESHA DIA 97
Kônelio udi upeta nyuma muimpe
Bua tshinyi Nzambi wakatuma Petelo ku nzubu kua muntu eu uvua kayi muena Yuda?
DILONGESHA DIA 98
Buena Kristo budi butangalaka mu bisamba bia bungi
Mupostolo Paulo ne bamisionere nende bakatuadija mudimu wa diyisha mu matunga a kule.
DILONGESHA DIA 99
Mulami wa buloko udi upeta bulelela
Bua tshinyi mbatele demon, dikanka dia buloba, ne muele wa mvita mu muyuki eu?
DILONGESHA DIA 100
Paulo ne Timote
Bantu babidi aba bakenza mudimu pamue bidimu bia bungi bu balunda ne benzejanganyi ba mudimu.
DILONGESHA DIA 101
Badi batuma Paulo ku Lomo
Luendu luvua ne njiwu ya bungi, kadi kakuvua lutatu luvua mua kutekesha mupostolo eu to.
DILONGESHA DIA 102
Buakabuluibua buleja Yone
Yezu wakamupesha bikena kumona bilondangane bia malu atshilualua.
DILONGESHA DIA 103
“Bukalenge buebe bulue”
Buakabuluibua buleja Yone budi buleja muikala Bukalenge bua Nzambi mua kushintulula malu pa buloba.