Pënaty tim jawyiin ojts tpanëjkxtë Kristë ojts tkäjpxwäˈkxtë ja oybyë ayuk diˈib nyimaytyakypyë Diosë yˈAnaˈam Kyutujkën, axtë mä it lugäärë jagambë. Jesus yëˈë diˈib tuˈumooyëdë parë tnijäˈäwëdë mäjaty kyäjpxwäˈkxtët. Ets nan yëˈë pudëjkëdë mëjˈäjtëngyëjxm parë jäˈäy ttukniˈˈijxëdë ja tëyˈäjtën kanäk ayuk. Jyobaa nan yëˈë mooyëdë jotmëkˈäjtën etsë mëjääw parë tmëmadaktë ko jäˈäy yˈaxëkˈijxëdë.

Jesus tyukˈijxë apostëlë Juan ja myëjˈäjtënë Jyobaa. Nan tyukˈijx wiˈixë Diosë yˈAnaˈam Kyutujkën tmëmadaˈagyë Satanás ets dyajëjptëgooyë yˈanaˈamën winë xëëw. Juan nan yˈijxë Jesus extëmë Rey ets yˈanaˈamäˈäny mëdë jäˈäy 144,000. Nan yˈijx ko naxwinyëdë  jyëmbity extëm tuˈugë it lugäärë tsujpë ets ko niˈamukë tmëdundë Jyobaa agujk jotkujk ets tuˈugyë.