Aina Klistu akutandikilako yasimikile ilandwe lisuma ilya Wene umu ncende izingi umu nsi. Yesu wayalangilile ukwa kuya umu kusimikila nupya mu cizungusyo walenzile ukuti yaasimikila uku yantu mu ndimi zyao kwene. Yeova walenzile ukuti yaye asipe nupya wayapeezile amaka akucimvya ukuzunyiwa konsi kuno yaali nu kukwata.

Yesu walangizye umutumwa Yoani icilolwa ca lulumbi lwakwe Yeova. Umu cilolwa cuze, Yoani waweni Uwene wa mwi yulu wacimvya Satana nu kumonona. Yoani waweni Yesu ala Umwene akuteeka pamwi na yakateeka yauze ya 144,000. Nupya Yoani waweni insi yonsi yaya paladaise muno antu yonsi yapepanga Yeova umu mutende nupya alemane.