सुरुवातीच्या ख्रिश्‍चनांनी राज्याचा आनंदाचा संदेश पृथ्वीवर अगदी दूरपर्यंत घोषित केला. त्यांनी कुठे प्रचार केला पाहिजे याचं निर्देशन येशूने त्यांना दिलं. तसंच, लोकांना आपापल्या भाषेत शिकवण्यासाठी येशूने चमत्कारिक रीत्या त्यांना मदतही केली. यहोवाने त्यांना धैर्य दाखवण्यासाठी मदत केली. तसंच, तीव्र विरोधाचा सामना करण्यासाठी लागणारी शक्‍तीही त्यांना दिली.

येशूने प्रेषित योहानला एका दृष्टान्तात यहोवाचं वैभव दाखवलं. तसंच, आणखी एका दृष्टान्तात त्याने पाहिलं की स्वर्गाच्या राज्याने सैतानावर विजय मिळवून त्याची सत्ता कायमची मिटवून टाकली आहे. शिवाय, येशू राजा या नात्याने राज्य करत आहे आणि त्याच्यासोबत १,४४,००० सहराजे आहेत हेही त्याने पाहिलं. संपूर्ण पृथ्वी नंदनवन बनली आहे आणि सर्व लोक शांतीने आणि एकतेने यहोवाची उपासना करत आहेत हेसुद्धा त्याने पाहिलं.