Isethulo Sengxenye 14
Abafundi bakaJesu batshumayela izindaba ezinhle zoMbuso baze bayafika lasezindaweni ezikhatshana zomhlaba. UJesu wayebatshengisa lapho okwakumele batshumayele khona njalo ngendlela eyisimanga wenza benelisa ukukhuluma izindimi zabanye abantu ukuze babafundise. UJehova wabanika isibindi lamandla okumelana lokuhlukuluzwa.
UJesu wasebenzisa umbono ukuze atshengise umphostoli uJohane inkazimulo kaJehova. Komunye umbono uJohane wabona uMbuso kaNkulunkulu unqoba uSathane njalo uqeda ukubusa kwakhe. Waphinda wabona uJesu eyiNkosi elabangu-144 000 abazabusa laye. Wabona lomhlaba untshintsha usiba lipharadayisi futhi abantu bonke sebemanyene bekhonza uJehova.
ENGXENYENI LE
Abafundi Bamukela Umoya Ongcwele
Umoya ongcwele ubanika amandla okwenzani?
Baqhubeka Betshumayela Lanxa Kwakunzima
Abakhokheli benkolo abenza uJesu wabulawa sebezama ukuthi abafundi bayekele ukutshumayela. Kodwa kabenelisi ukubavimba.
UJesu Ukhetha USawuli
USawuli uyisitha samaKhristu esilesihluku, kodwa lokho sekuzantshintsha.
UKhoneliya Wamukela Umoya Ongcwele
Kungani uJehova etshela uPhethro ukuthi aye emzini wendoda le engayisiyo mJuda?
Izindaba Ezinhle Zitshunyayelwa Ezizweni Ezitshiyeneyo
Umphostoli uPhawuli labangane bakhe bayatshumayela ezindaweni ezikhatshana.
Umlindijele Ufunda Iqiniso
Idimoni, ukuzamazama komhlaba lenkemba kungena njani endabeni le?
UPhawuli LoThimothi
Amadoda la amabili asebenza ndawonye okweminyaka eminengi futhi ayengabangane.
UPhawuli Uhanjiswa ERoma
Umphostoli uPhawuli waqhubeka ngohambo lwakhe lanxa lwalulezingozi.
ISambulo Esaphiwa UJohane
UJesu umtshengisa imibono etshiyeneyo ephathelane lekusasa.
“UMbuso Wakho Kawuze”
ISambulo esaphiwa uJohane sitshengisa ukuthi uMbuso kaNkulunkulu uzantshintsha umhlaba.
