Isethulo Sengcenye 14
AmaKrestu wokuthoma arhatjha iindaba ezimnandi zomBuso eendaweni ezikude zephasi. UJesu wawanqophisa ukuthi ayokutjhumayela kuphi, wabe wawasiza nangokuyikarisomraro bona akghone ukufundisa abantu ngamalimi wabo wokubelethwa. UJehova wawapha isibindi namandla wokuhlula ukutlhoriswa.
UJesu wembulela umpostoli uJwanisi umbono wephazimulo kaJehova. Komunye wemibono leyo, uJwanisi wabona umBuso wezulwini uhlula uSathana bewaqeda nokulawula kwakhe unomphela. Bese kwaba nomunye godu umbono lapho abona khona uJesu abusa njengeKosi nabakhambisani bakhe abazi-144 000. UJwanisi wabona nephasi loke litjhuguluka liba yipharadesi, lapho-ke woke umuntu bekalotjha uJehova ngokuthula nangebumbano.
ENGCENYENI LE
Abafundi Bamukela Ummoya Ocwengileko
Ngiwaphi amandla anzeka ngokuyikarisomraro ummoya ocwengileko owabapha wona?
Beyingekho Into Engabavimba
Abadosi phambili bekolo ababulala uJesu kwanjesi besele balinga ukuthulisa abafundi bakhe. Kodwana babhalelwa.
UJesu Ukhetha USawula
USawula ulinaba lamaKrestu elinenturhu, kodwana lokho bekufuze kutjhuguluke.
UKorneliyasi Wamukela Ummoya Ocwengileko
Kubayini uZimu athumela uPitrosi emzini womuntu lo angasuye ngitjho nomJuda?
Iintjhaba Ezinengi Ziba MaKrestu
Umpostoli uPowula nabakhambisani bakhe abatjhumayela kezinye iinarha bathomisa ukutjhumayela eenarheni ezikude.
Umphathisikhungo Uthola Iqiniso
Amadimoni, ukusikinyeka kwephasi nomkhonto kuhlangana njani nendaba le?
UPowula NoThimothi
Amadoda amabili la abangani asebenza ndawonye lokho bakwenza iminyaka eminengi.
UPowula Uthunyelwa ERoma
Ikhambweli liyingozi, kodwana abukho ubudisi ubungavimba umpostoli lo.
Isambulo SakaJwanisi
UJesu umtjengisa imibono ngengomuso.
“UmBuswakho Awufike”
Isambulo sakaJwanisi sitjhengisa ukuthi umBuso kaZimu uzolitjhugulula njani ukuphila ephasini.