Ebirikwanjura Ekicweka 14
Abakristaayo omu kyasha ky’okubanza bakahitsya amakuru marungi g’Obukama omu bicweka by’ensi eby’ahare. Yesu akabagambira ahu baraabuurire kandi omu muringo gurikutangaaza akababaasisa kwegyesa abantu omu ndimi zaabo. Yehova akabaha obumanzi n’amaani kubaasa kusingura okuhiiganisibwa kw’amaani.
Yesu akaha entumwa Yohaana okworekwa kw’ekitiinisa kya Yehova. Omu kworekwa, Yohaana akareeba Obukama bw’omu iguru burikusingura Sitaane kandi bukamariraho kimwe n’obushoboorozi bwe. Yohaana akareeba Yesu naategyeka nk’Omugabe na 144,000 abaraategyeke nawe. Yohaana akareeba ensi yoona neehinduka paradiso ahu buri omwe arikuramya Yehova omu bumwe n’obusingye.
OMU KICWEKA EKI
EISHOMO 94
Abeegi ba Yesu Okutunga Omwoyo Gurikwera
Omwoyo gurikwera gukabaha maani ki agarikutangaaza?
EISHOMO 95
Tihaine Ekyabaire Nikibaasa Kubaremesa
Abeebembezi b’ediini abaabaire nibenda kwita Yesu,bakateeraho kuremesa entumwa ze. Kwonka tibarabaasize.
EISHOMO 96
Yesu Okutoorana Saulo
Saulo akaba ari omuzigu w’Abakristaayo, kwonka ekyo kikaba kiri haihi kuhinduka.
EISHOMO 97
Koruneelio Okutunga Omwoyo Gurikwera
Ahabw’enki Yehova yaayohereize Petero omu nju y’omushaija owaabaire atari Muyudaaya?
EISHOMO 98
Obukristaayo Okujanjaara omu Mahanga Maingi
Entumwa Paulo n’ou yaabaire naagyenda nawe omu bumiisani bakatandika kubuurira n’omu bicweka ebya hare.
EISHOMO 99
Omurinzi w’Ekihome Okwega Amazima
Baadaimoni, omutsitsa, na rurara nibigambwaho bita omu kitebyo eki?
EISHOMO 100
Paulo na Timoseo
Abashaija babiri bakaheereza kumwe nk’abanywani kandi nk’ab’eishe-emwe kumara emyaka mingi.
EISHOMO 101
Paulo Okwoherezibwa Rooma
Orugyendo rukaba rurimu oburemeezi bwingi, kwonka tiburareetiire entumwa kuhwa amaani.
EISHOMO 102
Okworekwa kwa Yohaana
Yesu akamuha okworekwa kw’emiringo etari emwe okurikukwata aha biro by’omumaisho.
EISHOMO 103
“Obukama Bwawe Bwije”
Ebi Yohaana yaayorekirwe nibyoreka oku Obukama bwa Ruhanga burahindure embeera omu nsi.
