И пэрви христианоря росԥэнэнас лащи весть пала царство андэ само дурутнэ ҭана пэ ԥув. О Иисусо сыкавэлас, каринг лэнди трэбуй тэ жан и тэ росԥэнэн важ о Дэл. Во стердя чуда, кай мануша линэ тэ дэн дума пэ разни шыба, кай тэ сытярэн лэ манушэн. О Иегова стердя кадя, кай вонэ тэ на даран и дя лэнди зор, кай тэ виритярэн о ԥаримос, кала лэн фартэ лэна тэ ӷонин.

О Иисусо дя лэ Иоанности видения, андэ сави сыкадя слава лэ Иеговастири. Андэ авэр видения о Иоанно диқля, сар о царство, саво по нэбо, вицэлдя и война лэ Сатанаса и уля лэстири правления пэ вся время. О Иоанно диқля лэ Иисусос, саво правияс сар царё и лэса сас 144 000 кодэлэн, ко лэса правин. О Иоанно кадяжэ диқля,  кай вся и ԥув ашэля раё и всаворэ мануша служин лэ Иеговасти. Вонэ ек пала еқэстэ и ладин ек еқэса.