Na folafola atu e uluaʻi Kerisiano le tala lelei o le Malo i tuluʻiga uma o le lalolagi. Na faasino i latou e Iesu i le oganuu e talaʻi ai, ma faia se vavega ina ia mafai ai ona latou aʻoaʻoina tagata i a latou lava gagana. Na foaʻi atu e Ieova iā i latou le lototele ma le mana e fesagaʻia ai sauāga ogaoga.

Na faaali atu e Iesu i le aposetolo o Ioane se vaaiga o le mamalu o Ieova. I se isi vaaiga, na vaaia ai e Ioane le faatoʻilaloina e le Malo o le lagi o Satani, ma faaiʻuina lana pulega e faavavau. Na vaaia e Ioane Iesu o loo pule o se Tupu faatasi ai ma le 144,000. Na ia vaaia foʻi le lalolagi atoa ua avea o se parataiso, lea e tapuaʻi uma ai tagata iā Ieova i le filemu ma le autasi.