Kusuma Chikamu 14
VaKristu vepakutanga vakaparidza mashoko akanaka eUmambo kusvikira kunyika dziri kure chaizvo. Jesu akavaudza kwekuparidzira uye akaita chishamiso chekuti vagone kudzidzisa vanhu nemitauro yavo. Jehovha akavapa ushingi uye simba rekukunda kutambudzwa zvine utsinye.
Jesu akaita kuti muapostora Johani aone kubwinya kwaJehovha. Pane zvimwe zvaakaratidzwa, Johani akaona Umambo hwekumatenga huchikunda Satani uye huchigumisa kutonga kwake zvachose. Akaonawo Jesu achitonga saMambo aine vamwe 144 000. Johani akaonawo nyika yese ichiva paradhiso, uye vanhu vese vachinamata Jehovha murugare uye vakabatana.
ZVIRI MUCHIKAMU CHINO
CHIDZIDZO 94
Vadzidzi Vanopiwa Mweya Mutsvene
Mweya mutsvene wakavapa simba rekuita zvishamiso zvipi?
CHIDZIDZO 95
Hapana Chaigona Kuvamisa
Vatungamiriri vezvitendero vakaurayisa Jesu, uye iye zvino vava kuda kumisa basa revadzidzi vake. Asi havasi kuzokwanisa kurimisa.
CHIDZIDZO 96
Jesu Anosarudza Sauro
Sauro anovenga vaKristu uye anovarwisa asi iye zvino ava kuda kuchinja.
CHIDZIDZO 97
Koneriyasi Anopiwa Mweya Mutsvene
Nei Mwari atuma Petro kumba kwemurume uyu asiri muJudha?
CHIDZIDZO 98
ChiKristu Chinoenda Kumarudzi Akawanda
Muapostora Pauro neshamwari dzake mamishinari vanotanga kuparidza kunyika dziri kure.
CHIDZIDZO 99
Murindi Wejeri Anodzidza Chokwadi
Dhimoni, kudengenyeka kwenyika uye bakatwa, zvese izvi zvinopinda papi munyaya iyi?
CHIDZIDZO 100
Pauro naTimoti
Varume vaviri vacho vakashanda pamwe chete seshamwari neshamwari kwemakore akawanda.
CHIDZIDZO 101
Pauro Anoendeswa kuRoma
Rwendo rwacho rwune ngozi, asi hapana chinotadzisa muapostora uyu kuita basa rake.
CHIDZIDZO 102
Zvakaratidzwa Johani
Jesu anomuratidza zviono zvinotevedzana zvezvichaitika mune ramangwana.
CHIDZIDZO 103
“Umambo Hwenyu Ngahuuye”
Bhuku raZvakazarurwa kuna Johani rinoratidza kuti Umambo hwaMwari huchachinja sei upenyu hwevanhu panyika.
