Të krishterët e hershëm e përhapën lajmin e mirë për Mbretërinë deri në skajin më të largët të tokës. Jezui u tha ku të predikonin dhe, me anë të një mrekullie, i bëri të aftë që t’i mësonin njerëzit në gjuhët e tyre. Jehovai u dha guxim dhe fuqi që t’i bënin ballë përndjekjes së egër.

Jezui i dha apostullit Gjon një vegim ku pa lavdinë e Jehovait. Në një vegim tjetër Gjoni pa Mbretërinë e qiejve që mposhti Satanain dhe që i dha fund sundimit të tij përgjithmonë. Gjoni pa Jezuin Mbret dhe 144.000 të zgjedhur që mbretëronin bashkë me të. Ai pa gjithashtu që mbarë toka u bë parajsë ku të gjithë adhuronin Jehovain në paqe dhe unitet.