Makani Aantalisyo Aacibeela 14
Banakristo bakusaanguna bakakambauka makani mabotu aa Bwami kumasena aajanika kule munyika. Jesu wakabatondezya nkobakeelede kukambaukila mpoonya wakabelesya maleele kuti bacikonzye kuyiisya bantu mumyaambo yabo. Jehova wakabagwasya kuba basicamba alimwi wakabapa nguzu zyakuliyumya kumapenzi aakatazya kapati.
Jesu wakapa mwaapostolo Johane icilengaano cabulemu bwa Jehova. Mucilengaano cimbi, Johane wakabona Bwami bwakujulu kabuzunda Saatani akunyonyoona bulelo bwakwe cakumaninina. Johane wakabona Jesu kalela mbuli Mwami antoomwe abalelinyina ibali 144,000. Kuyungizya waawo, Johane wakabona nyika yoonse kaili paradaiso oomo bantu boonse mobabelekela Jehova muluumuno alimwi calukamantano.
MUCIBEELA EECI
Basikwiiya Batambula Muuya Uusalala
Ino muuya uusalala wabapa nguzu zyakucita nzi?
Kunyina Iwakali Kukonzya Kubalesya
Basololi bazikombelo ibakapa kuti ajaigwe Jesu lino basola kulesya basikwiiya kuti batanookambauki. Pele baalilwa.
Jesu Wamusala Saulo
Saulo ngusinkondo mubi kapati wa Banakristo, pele eeco cilaafwaafwi kucinca.
Koneliyo Watambula Muuya Uusalala
Ino nkaambo nzi Leza ncaamutumina Petro kuŋanda yamwaalumi ooyu uutali mu Juda?
Bunakristo Bwasika Kumasi Manji
Mwaapostolo Paulo abamisyinali beenzinyina batalika mulimo wakukambauka kumasi aakulamfwu.
Mulindizi Wantolongo Waiya Kasimpe
Ino mbuti daimona, muzuzumo wanyika, alimwi apanga zyoonse mbozijatikizyidwe mukaano aaka?
Paulo Alimwi a Timoteyo
Baalumi aaba bobilo bakabeleka kabali balongwe alimwi kabali babelesinyina kwamyaka minji.
Paulo Watumwa ku Roma
Lweendo lujisi ntenda zinji, pele kunyina buyumuyumu ibwamutyompya mwaapostolo ooyu.
Ciyubunuzyo Kuli Johane
Jesu wamutondezya mulongo wazilengaano zyazintu ziboola kumbele.
“Abuboole Bwami Bwako”
Ciyubunuzyo ncaakatondezyegwa Johane citondezya Bwami bwa Leza mbobuyoocinca buumi anyika.
