Introdaksen Bilong Seksen 14
Ol Kristen bilong pastaim i autim gutnius bilong Kingdom i go long olgeta hap bilong graun. Jisas i tokim ol long wanem hap ol bai autim tok na long rot bilong mirakel em i helpim ol long yusim tokples bilong ol manmeri yet na skulim ol. Jehova i givim ol pasin bilong strongim bel na strong bilong winim ol pasin birua i nogut tru.
Jisas i givim wanpela visen long aposel Jon na em i lukim glori bilong Jehova. Long narapela visen, Jon i lukim Kingdom bilong heven i pait na winim Satan na daunim wok bos bilong Satan inap oltaim oltaim. Jon i lukim Jisas i mekim wok bos olsem King na 144,000 wanwok bilong em i stap wantaim em. Jon i lukim tu graun olgeta i kamap wanpela paradais na olgeta manmeri i stap bel isi na stap wanbel long lotuim Jehova.
LONG DISPELA HAP
LESEN 95
No Gat Samting Inap Pasim Ol
Ol bikman bilong lotu husat i bin kilim i dai Jisas, nau ol i traim long pasim maus bilong ol disaipel bilong em. Tasol ol i no inap stopim ol.
LESEN 96
Jisas i Makim Sol
Sol i birua nogut tru long ol Kristen, tasol em bai senisim dispela pasin.
LESEN 97
Kornilius i Kisim Holi Spirit
Wai na God i salim Pita i go long haus bilong dispela man i no wanpela Juda?
LESEN 98
Lotu Kristen i Go Long Planti Hap
Aposel Pol na ol wanwok misineri i kirap autim tok long ol ples i stap longwe.
LESEN 99
Woda i Kisim Save Long Tok i Tru
Hau na dimon, guria, na bainat i insait long dispela stori?
LESEN 100
Pol na Timoti
Inap planti yia, dispela tupela man i wok wantaim olsem ol pren na ol wanwok.
LESEN 101
Ol i Salim Pol i Go Long Rom
Dispela raun i gat planti samting inap bagarapim laip, tasol no gat wanpela hevi inap mekim dispela aposel i slek long wok.
LESEN 102
Jon i Lukim Ol Samting Bai Kamap Bihain
Jisas i givim em ol visen bilong ol samting bai kamap bihain.
LESEN 103
“Kingdom Bilong Yu i Mas i Kam”
Ol visen Jon i lukim i kamapim klia hau Kingdom Bilong God bai senisim ol samting long graun.
