Mazgu Ghakwamba gha Chigaŵa 14
Ŵakhristu ŵakwambilira ŵakapharazga makani ghawemi gha Ufumu m’paka ku vigaŵa vyakutali chomene vya charu chapasi. Yesu ndiyo wakaŵalongozganga ndipo wakaŵapa nkhongono zakuyowoyera viyowoyero vinyake na kusambizga ŵanthu mu viyowoyero vyawo. Yehova wakaŵapa chikanga na nkhongono zakuzizipizgira para ŵasangana na suzgo la mtundu uliwose.
Yesu wakamulongora mpositole Yohane mboniwoni ya uchindami wa Yehova. Mu mboniwoni yinyake, Yohane wakawona kuti Ufumu wakuchanya ukuthereska Satana na kuwuskapo ufumu wake muyirayira. Yohane wakawona Yesu wakhala pa chitengo nga ni Themba pamoza na ŵa 144,000. Yohane wakawonaso charu chose chapasi chikuzgoka paradiso ndipo ŵanthu wose ŵakusopa Yehova mu mtende na umoza.
MU CHIGAŴA ICHI
Ŵasambiri Ŵakapokera Mzimu Utuŵa
Kasi mzimu utuŵa ukaŵapa nkhongono zakuchitira vichi?
Pakaŵavya Chakuŵatondeska
Ŵalongozgi ŵa chisopa awo ŵakakomeska Yesu ŵakakhumbangaso kuchetamiska ŵasambiri ŵake. Kweni ŵakatondeka.
Yesu Wakasankha Saulosi
Saulosi wakaŵa munthu wankhaza uyo wakatinkhanga Ŵakhristu, kweni wakasintha.
Koroneliyo Wakapokera Mzimu Utuŵa
Chifukwa wuli Chiuta wakatuma Petrosi ku nyumba ya munthu uyu, uyo wakaŵa Muyuda yayi?
Chikhristu Chikafika mu Vyaru Vinandi
Mpositole Paulosi na ŵanyake awo wakendanga nawo ŵakamba kupharazga mu vyaru vyakutali.
Mulinda wa Jele Wakasambira Unenesko
Chifukwa wuli chiŵanda, chindindindi, na lupanga vikuzunulika mu nkhani iyi?
Paulosi na Timote
Ŵanalume ŵaŵiri aŵa ŵakateŵetera lumoza vyaka vinandi.
Paulosi Wakatumika ku Romu
Ulendo uwu ukaŵa wakusuzga chomene, kweni pakaŵavya icho chikamugongoweska mpositole uyu.
Uvumbuzi Uwo Ukapelekeka kwa Yohane
Yesu wakamulongora mboniwoni za vinthu vyamunthazi.
“Ufumu Winu Wize”
Uvumbuzi wa Yohane ukulongora umo Ufumu wa Chiuta uzamusinthira umoyo pa charu chapasi.
