Ua faaite te mau Kerisetiano matamua i te parau apî oaoa o te Faatereraa arii i te mau vahi atea roa o te fenua. Ua aratai Iesu ia ratou i te mau vahi e mea titauhia ia poro. Maoti te hoê semeio, ua tauturu oia ia ratou ia haapii atu i te taata na roto i to ratou iho mau reo. Ua horoa Iehova ia ratou i te itoito e te puai no te faaruru i te hamani-ino-raa uˈana.

Ua faaite o Iesu i te aposetolo Ioane i te hoê orama o to Iehova hanahana. I roto i te tahi atu orama, ua ite o Ioane i te Faatereraa arii o te raˈi o te aro ra ia Satani e o te haamou roa ra i ta ˈna faatereraa. Ua ite o Ioane ia Iesu ei Arii e i ta ˈna mau arii apiti 144 000. Ua ite atoa o Ioane i te fenua taatoa i te riroraa mai ei paradaiso, i reira e haamori ai te taata atoa ia Iehova i roto i te hau e te auhoêraa.