Fampidiran̈a Fizaran̈a 14
Iro Kristianin̈y voanalohany aby io nitory vaovao tsarany Fanjakan̈a io firaka amy tany farany lavitry. Nambarany Jesosy iro aia aby tany hitoriandro. Nan̈ano fahagagan̈a koa Jesosy, ke nahavita nampianatra olo samy hafa fivolan̈ana iro. Nampiany Jehovah koa iro, ke nasaky nitory ndreky tsy nivadiky, ndray ninjehin̈y mare.
Namezany Jesosy fahitan̈a koa apostoly Jaona, ke nahita voninahitry Zan̈ahary. Izy nahita Satana resiny Fanjakan̈any lan̈itry, sady nifoan̈anizio fitondrasan̈anany. Hitany koa Jesosy Panjaka ndreky iro 144 000 miaraka aminany. Hitany tany jiaby nanjary paradisa, olo jiaby mihavan̈a ndreky miray sain̈y manompo Jehovah.
AMY FIZARAN̈A TY
Nahazo Fan̈ahy Masin̈y Pianatra aby Io
Ino raha nanjary haindro pianatra aby io, iro koa fa nahazo fan̈ahy masin̈y?
Tsisy Raha Nahasakana Apostoly aby Io
Iro pitariky fivavahan̈a namono Jesosy in̈y mila hisakana apostoly aby io, baka iro tsy hitory eky. Mbala nitory fo iro apostoly aby io.
Jesosy Nifidy Saoly
Saoly farandraha nan̈enjiky Kristianin̈y eky, fa izy niova.
Nahazo Fan̈ahy Masin̈y Kornelio
Nan̈ino Zan̈ahary nan̈iraka Petera nandeha tamy lelahy tsy Jiosy io?
Nahaimaro Olo Nanjary Kristianin̈y
Apostoly Paoly ndreky iro misionera aby io niaraka nitory firaka tamy tany farany lavitry.
Piambin̈y Gadra Nahita Fahamarin̈ana
Ino idirany demony, horohorontany, ndreky sabatra amy tantara ty?
Paoly Ndreky Timoty
Nisy lelahy aroe niaraka niasa. Iro kamarady mare ndreky nahay nifan̈ampy.
Paoly Nalefa ta Roma
Naro raha nanahiran̈a tamy dia io, fa apostoly io tody fo.
Raha Nambara Apostoly Jaona
Jesosy nan̈aboaka tamy Jaona fahitan̈a nifanesisesy momba raha mbala ho avy.
“Irarian̈a ho Avy Fanjakan̈anao”
Raha nambara apostoly Jaona momba raha hataony Fanjakan̈any Zan̈ahary, baka tany ty hanjary Paradisa
