Maloŵe Gandanda ga Mbali 14
Aklistu ŵandanda ŵawandisye utenga wambone wa Ucimwene mpaka ku mikuli jakwakutalika mnope ja pacilambo capasi. Yesu ŵalongolele jemanjaji ku mikuli jaŵasosekwaga kuti akalalicile. Jwalakwe ŵakamucisyesoni mwakusimonjesya kuti ajiganyeje kupitila m’yiŵeceto ya ŵanduwo. Yehofa ŵapele macili kuti aŵe ŵakulimba mtima soni kuti akomboleje kumalana ni ngalwe syakogoya syaŵatendelaga.
Yesu ŵamkamucisye ndumetume Yohane kulola mesomkulola ga ucimbicimbi wa Yehofa. M’mesomkulola gane, Yohane ŵawuweni Ucimwene wakwinani uli mkugomeka Satana soni kumasya ulamusi wakwe. Yohane ŵam’wenisoni Yesu ali mkulamulila mpela Mwenye yalumo ni ŵakulamulila acimjakwe ŵakwana 144,000. Yohane ŵaciwenisoni cilambo cosope capasi cili paladaiso, cele ŵandu wosope ŵamlambilaga Yehofa mwamtendele soni mwakamulana.
MU MBALI AJI
Ŵakulijiganya Akupocela Msimu Weswela
Ana msimu weswela wapele jemanjaji macili gakusimonjesya gatuli?
Pangali Cacikalekasisye
Acimlongola ŵa dini ŵaŵam’wuleje Yesu akulingalinga kwalekasya ŵakulijiganya ŵakwe kulalicila. Nambo ŵandumetumewo ngakuleka.
Yesu Akumsagula Saulo
Saulo ali mmagongo jwaciwawa jwa Aklistu, nambo jwalakwe asigele panandi kucenga ndamoji.
Koneliyo Akupocela Msimu Weswela
Ligongo cici Yehofa akumtuma Petulo kuti ajawule kunyumba ja mundu jwanganaŵa m’Yuda?
Ciklistu Cikuwanda M’yilambo Yejinji
Ndumetume Paulo yalumo ni amishonale acimjakwe akutanda kulalicila m’yilambo ya kwakutalika.
Jwakulolela Akayidi Akulijiganya Usyesyene
Ana msimu wakusakala, cisicinya, soni upanga yikamulana catuli munganiji?
Paulo ni Timoteyo
Jemanjaji ŵatumicile Yehofa yimpepe kwa yaka yejinji.
Paulo Akumtumisya ku Loma
Ulendowo ukwete yakusawusya yejinji nambo pangali cacikum’wujikasya munyuma ndumetumeju.
Mesomkulola ga Yohane
Yesu akumpa Yohane mesomkulola gakulekanganalekangana gakwamba yakusogolo.
“Ucimwene Wawo Uyice”
Mesomkulola gaŵamlosisye Yohane gakulosya kuti Ucimwene wa Mlungu ucicenga yindu pacilambo capasi.