U káajbal le jaats 14
Le yáax cristianoʼoboʼ tu kʼaʼaytoʼob tak tu maas náachil yóokʼol kaab baʼax ken u beet le Reinooʼ. Jesús nuʼuktoʼob utiaʼal u yojéeltikoʼob tuʼux unaj u kʼaʼaytajoʼob. Yéetel u yáantaj le kiliʼich muukʼoʼ tu kaʼansoʼob u jaajil ichil le idiomaʼob ku tʼanik le máakoʼoboʼ. Jéeobaeʼ tu yáantoʼob utiaʼal maʼ u chʼaʼikoʼob saajkil yéetel tu tsʼáaj u muukʼil tiʼob utiaʼal u aktáantkoʼob le chʼaʼpachtajiloʼ.
Ichil junpʼéel náay wa visioneʼ, Jesuseʼ tu tsʼáaj u yil apóstol Juan u nojbeʼenil Jéeoba. Tuláakʼ náayeʼ, tu yeʼesaj tiʼ bix kun xuʼulsbil junpuliʼ tiʼ Satanás tumen le Reinooʼ. Juaneʼ tu yilaj xan Jesús tsʼoʼok u tsʼaʼabal u beet u Reyil yéetel 144,000 máakoʼob táan
u gobernaroʼob tu yéetel. Tu yilaj xan bix kun suut paraísoil le luʼumaʼ yéetel bix kun múul meyaj ich jeetsʼelil le máaxoʼob adorartik Jéeobaoʼ.BAʼAX YAAN TEʼ JAATSAʼ
XOOKIL 94
Tsʼaʼab kiliʼich muukʼ tiʼ le disipuloʼoboʼ
¿Baʼax páajchaj u beetkoʼob yéetel u yáantaj le kiliʼich muukʼoʼ?
XOOKIL 95
Maʼ xuʼul u kʼaʼaytajoʼobiʼ
U nuuktakil le judíoʼob kíims Jesusoʼ taakchaj u beetkoʼob u xuʼulul u kʼaʼaytaj le disipuloʼoboʼ. Chéen baʼaleʼ maʼ béeychajoʼobiʼ.
XOOKIL 96
Jesuseʼ tu yéeyaj Saulo
Sauloeʼ jach ku chʼaʼpachtik kaʼach le cristianoʼoboʼ, chéen baʼaleʼ úuch junpʼéel baʼal beet u kʼexpajal.
XOOKIL 97
Cornelioeʼ tu kʼamaj kiliʼich muukʼ
¿Baʼaxten Jéeobaeʼ tu túuxtaj Pedro tu yotoch juntúul máak maʼ judíoiʼ?
XOOKIL 98
Kʼaʼaytajnajoʼob tiʼ jejeláas kaajoʼob
Apóstol Pablo yéetel uláakʼ disipuloʼobeʼ binoʼob kʼaʼaytaj tiʼ náanach luʼumiloʼob.
XOOKIL 99
Le máax kanáantik le carceloʼ anchaj u fe
Teʼelaʼ yaan u yúuchul tʼaan tiʼ juntúul demonio, junpʼéel espada bey xan tiʼ u tíitkuba luʼum.
XOOKIL 101
Pabloeʼ bisaʼab Roma
Kex yaʼab baʼax tu aktáantaj Pablo le táan u bisaʼal Romaoʼ, maʼ lúub u yóoliʼ.
XOOKIL 102
Le náayoʼob tsʼaʼab u yil Juanoʼ
Jesuseʼ tu tsʼáaj u yil Juan jujunpʼéel náayoʼob ku yeʼesik baʼax ku taal u kʼiin u yúuchul.
XOOKIL 103
«Taalak a Reino»
Le baʼax tsʼaʼab u yil Juanoʼ ku yeʼesik bix kun kuxtal máak way Luʼum yáanal u Reino Diosoʼ.