HADZIDZI 2
Ŋkɔwòe Nye Yehowa
-
1. Nuwo katã Wɔla,
Wòe nye Mawu gbagbe la
Le dzidzime’o katã me;
Wò ŋkɔe nye Yehowa.
Bubu gã kae nye ’si
Be míenye wò amewo!
Míeɖea gbeƒã wò ŋkɔ gã
Na dukɔwo katã.
(HAXE)
Yehowa, Yehowa,
Wò koe nye Ma’u vavã.
Mawu’aɖeke mele dziƒo
Alo anyigba dzi
Si de nuwò o, Yehowa;
Ame’o katã nanya.
Yehowa, Yehowa,
Wò ɖeka hɔ̃ koe míasubɔ.
-
2. Wòe nana míeva nyea
’Me si nèdi be míanye,
Be míawɔ nu si nèdi;
Wò ŋkɔe nye Yehowa.
Wò Ðasefo’o míenye;
Wòe tsɔ ŋkɔ nyui sia na mí.
Bubu gã kae nye esi
Be wò ŋkɔ le mía ŋu!
(HAXE)
Yehowa, Yehowa,
Wò koe nye Ma’u vavã.
Mawu’aɖeke mele dziƒo
Alo anyigba dzi
Si de nuwò o, Yehowa;
Ame’o katã nanya.
Yehowa, Yehowa,
Wò ɖeka hɔ̃ koe míasubɔ.
(Kpɔ 2 Kron. 6:14; Ps. 72:19; Yes. 42:8 hã.)
