KʼAAY 2
A kʼaabaʼeʼ Jéeoba
-
1. Chéen teech u jaajil Dios,
utiaʼal mantatsʼ kuxaʼanech,
teech beet tuláakal baʼaloʼob:
a kʼaabaʼeʼ Jéeoba.
Techeʼ ta yéeyajoʼon
utiaʼal k-antal ta kaajal
yéetel k-bisik a kʼaabaʼ.
¡Le oʼolal kiʼimak k-óol!
(CORO)
Jéeoba Dios, Jéeoba Dios,
minaʼan dios jeʼex techoʼ,
mix way Luʼumeʼ mix teʼ kaʼanoʼ.
¡Chéen teech u jaajil Dios!
U kajnáaliloʼob le Luʼumaʼ
yaan u kʼaj óoltkechoʼob.
Jéeoba Dios, Jéeoba Dios,
minaʼan uláakʼ dios jeʼex techoʼ.
-
2. Ka béeykunsik mantatsʼ
tuláakal baʼax ka waʼalik,
u Diosilech u jaajil:
a kʼaabaʼeʼ Jéeoba.
Tuláakal máak unaj
u tsʼáaik tiʼ teech nojbeʼenil
tumen teech u Sen Kaʼanlil
tuláakal yóokʼol kaab.
(CORO)
Jéeoba Dios, Jéeoba Dios,
minaʼan dios jeʼex techoʼ,
mix way Luʼumeʼ mix teʼ kaʼanoʼ.
¡Chéen teech u jaajil Dios!
U kajnáaliloʼob le Luʼumaʼ
yaan u kʼaj óoltkechoʼob.
Jéeoba Dios, Jéeoba Dios,
minaʼan uláakʼ dios jeʼex techoʼ.
(Ilaʼak xan 2 Cró. 6:14; Sal. 72:19; Isa. 42:8.)