DOYA 3
Samambraḇ, Kakakyar, ma Saneraro Nkoḇedi
-
1. Sye Yahwe, buk ḇe inko ine
saneraro ḇesnai.
Saneraro ḇepyum kaku,
Iso nkoḇaryas ya.
Ḇape fafisu ono nkomkak,
nkoḇirḇar, nkoḇoryae;
Saneraro ’snai nkoḇena
imbe imbrer fawas.
(REEF)
Auso samambraḇ
kakakyar nkoḇedi.
Ma saneraro ḇekaku.
Nafrur fa nkoḇaryas
mboi nkomkak ḇa
snaro nkosnefer faro Au.
-
2. Sye Yahwe, nkor fa wafnoḇek nko
’nsa nkoḇefnder Au ḇa;
Ras nakam buk sneprei ḇe nko
Rofyor nkosmai samswen.
Nkomnis raris for ḇembrer fawas,
inja buk raryaḇ ḇe nko
Insama nkomkak awer fa
’fasnai snonsnon Bedi.
(REEF)
Auso samambraḇ
kakakyar nkoḇedi.
Ma saneraro ḇekaku.
Nafrur fa nkoḇaryas
mboi nkomkak ḇa
snaro nkosnefer faro Au.
(Mam kako Mz. 72:13, 14; Ams. 3:5, 6, 26; Yer. 17:7.)
