LALA 3
Yehowa—Wɔhewalɛ, Wɔhiɛnɔkamɔ; Onɔ Wɔkɛ Wɔhiɛ Fɔ̃ɔ
-
1. Yehowa, odromɔ falɛ naa,
wɔná hiɛnɔkamɔ.
Enɛ hãa wɔmii shɛɔ wɔhe;
wɔwieɔ he be fɛɛ be.
Shi je nɛŋ naagbai lɛ suɔ wɔtsui.
Enɛ hãa wɔsheɔ gbeyei,
Ni wɔhiɛnɔkamɔ laajeɔ;
wɔnijiaŋ hu jeɔ wui.
(NƆHEREMƆ)
Yehowa Nyɔŋmɔ,
bo ji wɔhewalɛ.
Wɔkɛ wɔhiɛ efɔ̃ onɔ.
Wɔyashiɛɔ be fɛɛ be
ni wɔsheee gbeyei,
ejaakɛ onɔ wɔhiɛ kã.
-
2. Yehowa, ofainɛ wa wɔ daa
kɛ́ wɔkɛ naagbai kpe.
Shɛjemɔ wɔmii be fɛɛ be;
hã wɔ hiɛnɔkamɔ.
Kɛ́ wɔkai bɔ ni ojwɛŋɔ wɔhe,
no wɔnáa hewalɛ hee,
Wɔkɛ wɔhiɛ fɔ̃ɔ onɔ kwraa,
wɔnáa ekãa kɛshiɛɔ.
(NƆHEREMƆ)
Yehowa Nyɔŋmɔ,
bo ji wɔhewalɛ.
Wɔkɛ wɔhiɛ efɔ̃ onɔ.
Wɔyashiɛɔ be fɛɛ be
ni wɔsheee gbeyei,
ejaakɛ onɔ wɔhiɛ kã.
(Kwɛmɔ Lala 72:13, 14; Abɛi 3:5, 6, 26; Yer. 17:7 lɛ hu.)
