KÁNTIKU 3
Jeová ta da-m forsa i speransa
(Provérbios 14:26 )
-
1. Ó Jeová, N krê agradise-u
pa tudu ki bu da-m,
Pa speransa sértu ki‿N ten,
p’amor ki bu mostra-m.
Má prublémas krê dizanima-m;
medu‿alvês ta da-m simé;
Nha speransa ta krê kaba,
nha fé na bo, tanbê.
(KORU)
N ta pidi koraji,
speransa‿i fé,
Kel ki sta falta-m pa bu da-m.
Na bu forsa‿N ta prega
ku zelu‿i fé.
É sô bo ki ta labanta-m.
-
2. Djuda-m lenbra ma bu ka dexa-m,
bu forsa konsola-m
Pa‿N aguenta kes prubléma
ki staba ta ganha-m.
N krê lenbra sénpri bu amor
pa‿N ka xinti más mi sô,
I pa‿N tene más koraji
di pâpia sobri bo.
(KORU)
N ta pidi koraji,
speransa‿i fé,
Kel ki sta falta-m pa bu da-m.
Na bu forsa‿N ta prega
ku zelu‿i fé.
É sô bo ki ta labanta-m.
(Odja tanbê Sal. 72:13, 14; Pro. 3:5, 6, 26; Jer. 17:7.)
