TLAKUIKALI 3
Jehová nechpaleuia uan nechyolchikaua
(Proverbios 14:26)
-
1. Oh Jehová noDios te tikmati
ne nimitstlasojtla.
Se Xochitlali nikchia
tlen te tikualikas.
Pero axkan nitlajyouia,
onka tlen amo kuali.
Moespíritu techmaka
ijkon nitlaxikos.
(ESTRIBILLO)
Ijkuak nimomojtis
Dios techpaleui.
Nochipa nouan xiyeto.
Ne niktematiltis
motlanekilis
uan te nochipa techmaluis.
-
2. Ouijkayotl ne onikpixki
uan otechpaleui.
Amo keman nikilkauas
ken otechyolseui.
Ne nochipa mouan niyetos;
motech nitlaneltoka.
Niktematiltis motoka
ika pakilistli.
(ESTRIBILLO)
Ijkuak nimomojtis
Dios techpaleui.
Nochipa nouan xiyeto.
Ne niktematiltis
motlanekilis
uan te nochipa techmaluis.
(Noijki xikita Sal. 72:13, 14; Prov. 3:5, 6, 26; Jer. 17:7).
