KWI 4
“Yaweh Nsi bʼa ngabéb àm”
-
1. Yaweh Nsi àm bʼa ngabéb àm;
Mʼaʼ zin mba tshwèt ntshagdʼàm nà.
A lèn nzi ntù àm boa nywinde tshàm;
A lèn kuaʼ ju me bwoñ nà.
Ntùm kin nenàfi nke ntshagdʼàm,
Ntùm dùʼ fide bo mbotni.
Bo bwôntù ze ndùb zʼa be ntshagdʼàm nà
Ndù me tswe ntùm fide là.
Bwôntù ze ndùb zʼa be ntshagdʼàm nà
Ndù me tswe ntùm fide là.
-
2. Njoñ tsho manze fa be mfide,
Mbe a manze tsʼa tsin nà.
Kà naʼ mbam num lén so me fàn nze
Ntsin nezin à ntùm bamntù.
Me zin ntùm buʼtoʼ nesènde,
Shuaʼ so mba kôg so tshagdʼàm,
Me ke nzi mbwôg sàm nukebwô mba moʼ,
Mbe o bʼa nshun àm Nsi àm.
Me ke bwôg sàm nukebwô mba moʼ,
Mbe o bʼa nshun àm Nsi àm.
-
3. Yaweh Nsi, o bʼa ngabéb àm;
Mʼaʼ zin mbʼo tshwèt ntshagdʼàm nà.
O be mfà neta, bo fide me;
Mbèn mfà ju zʼa bwoñ me là.
Magde keʼ be ntùm yàm nywinde,
Ndañndañ mba o tswe ntùn nà.
Yu bwôntù ze ndùb bo tshàmndèn num àm
Nèn tà nkum miagde léʼnjù.
Bwôntù ze ndùb bo tshàmndèn num àm
Nèn tà nkum miagde léʼnjù.
(Mbèn ndôde Yobk. 28:9; 80:1.)
