1.Heowá le Suntigabafu

subudihabúbei nun;

ligía úniri buídubei,

gaganbaditina lun.

Barǘ lumutina lidoun

fulasu le chóuruti,

ñein lubéi nibiha darangilaü

lau bandi ugundani.

Ibihaadina darangilaü

lau bandi ugundani.

2.Heowá, harumati biri,

richati sun bémeri,

ligía náyeihabei lubéi

lubuidun bigaburi.

Dan le anahein lan lidan

fulasu le búriti,

luagu biri rútibu erei nun

lun lidin nidiheri.

Kei rúhadibu lan erei nun,

gidati nidiheri.

 3.Heowá, nagunfulirubei

lubuidun bugumadin,

ladüga hínsiñehabu ban,

buguya le Núniri.

Buguya íchugubalin

nemegeirun nun, Heowá;

tabu sun nanigi nabusenra

lun buma nan súnwandan.

Tau sun nanigi nabusenra

lun buma nan súnwandan.