KANTA 4
“Ni Jehova ti Pastorko”
(Salmo 23)
-
1. Ni Jehova ti Pastorko;
Isuronat’ dalanko.
Maawatanna ti rikriknak;
Ammonat’ kasapulak.
Nalangto a karuotan
Sadiay nga idalannak.
Natalgedak ken awan pagbutngak;
Naynay nga isut’ kaduak.
Natalgedak, awan pagbutngak;
Naynay nga isut’ kaduak.
-
2. Daldalanmo nalintegda;
Wen, makapagin-awa.
Kayatkot’ magna kadagita
Tapno diak maiwawa.
Uray iti kasipngetan,
Saanak nga agamak,
Ta sika ti Diosko ken Gayyemko;
Bastonmot’ salaknibko.
Sika ti Diosko ken Gayyemko.
Bastonmot’ salaknibko.
-
3. O Jehova a Pastorko,
Iwanwanmot’ dalanko.
Pabilgennak ken bang-arannak;
Itdem ti kasapulak.
Diosko, sika ti pagtalkak.
Impaaymot’ namnamak.
Maseknan ken naayatka kaniak;
Daytat’ pagyamyamanak.
Maseknan, naayatka kaniak;
Daytat’ pagyamyamanak.
(Kitaem met ti Sal. 28:9; 80:1.)