1. Yehova Kafunga kami,

Nangumukavangiza.

Ejiva vyosena ngwasaka

Navyosena ngwafwila.

Eji kungutetekela,

Nakungukinga nawa.

Kaha eji kungutwaminyina

Kuvihela vyamwaza.

Eji kungutwaminyinanga

Kuvihela vyamwaza.

2. Jijila jove jamwaza

Josena jakwoloka.

Ngukinge ngutambuke lika

Mujila yakwoloka.

Numba nguli mumilima

Kangweshi kwivwa woma.

Nangutwalaho kukufwelela,

Mwomwo usepa lyami.

Nangukufwelelanga lika,

Mwomwo usepa lyami.

 3. Yehova Kafunga kami,

Nangukukavangiza.

Weji kungukolezezanga

Nakungukafwa nawa.

UKalunga wakuyoya

Ngocho ngwakufwelela.

Ngusolwele zangi yakwilila

Hakumbi nge hakumbi.

Ngusolwelenga zangi yove

Hakumbi nge hakumbi.