1. A Zeova yaa mam pe-kɩɩma.

Yaa yẽ la m na n tũ daar fãa.

A mii sẽn be mam sũurẽ wã fãa.

A mii mam sẽn sɩd ratã.

A yãagda maam yam-maas zĩigẽ.

A kogenda maam daar fãa.

Yẽnda wilgda maam so-sõng ne nonglem,

tɩ kɩt tɩ m yam gãe bãane.

A wilgda maam so-sõng ne nonglem,

tɩ kɩt tɩ m yam gãe bãane.

2. Zeova fo goamã belsda maam.

Fo soayã fãa yaa tɩrse.

Sõng maam tɩ m da maan sẽn pa segde,

tɩ wa sãam f yʋʋrã ye.

Fo sẽn yaa m zoa la m Wẽnnaamã,

baa m sã n wa kẽnd lik pʋgẽ,

mam pa zoet rabeem, mam sũur keemame.

Fo tara yell buud fãa tɩɩm.

Fo sẽn yaa mam zoa la m Wẽnnaamã,

Fo tara yell buud fãa tɩɩm.

 3. Zeova, fo yaa mam pe-kɩɩma.

Foo la m na n tũ wakat fãa.

Fo belsda maam la f sõngdẽ tɩ m paamd

sẽn yaa sõma ne maamã.

Mam kɩsa foo sɩd zãng-zãnga,

bala fo bee wakat fãa.

Bɩ f kell n ges mam yell daar ne a to fãa.

Nong maam m yõorã tɛka.

Bɩ f kell n ges mam yell wakat fãa,

la f nong maam m yõor tɛka.