第4首
耶和華是我的牧者
(詩篇23篇)
-
1.耶和華是我的牧者,
綴伊身邊真好命。
伊知我的欠缺、無夠額,
溫柔抱阮惜命命。
互阮佇草埔穩心食,
氣力飽足真快活。
感受著牧者深深疼痛我,
忠貞對待貼心肝。
感受著牧者是即疼我,
忠貞對待貼心肝。
-
2.上帝道路公平正義,
行你的路有元氣。
求你幫助我行事忠義,
行著的路無偏離。
烏暗山谷阮袂驚惶,
有你看顧無稀微。
有上帝做朋友是上知己,
無驚無惶唸歌詩。
上帝做朋友是上知己,
無驚無惶唸歌詩。
-
3.上帝,你是我的牧者,
綴你前後心頭定。
滿足我的需要攏有賰,
加添氣力逐時陣。
永活的上帝有拍算,
賜我向望若日光。
有你的恩典慈愛來做伴,
我的一生袂孤單。
有你恩典慈愛來做伴,
我的一生袂孤單。
(請也參考詩28:9;80:1)