KARANTAHON 5
An Urusahon nga mga Buhat han Dios
-
1. O Dios, dayag ako ha imo,
An akon paghigda ngan pagbangon.
Gin-uusisa mo mga hingyap ko,
Pati hunahuna, paggawi,
ngan pulong.
Han ginhimo ako ha tago,
Dayag ha im’ pati an tul-an ko.
Akon dagway—tanan iginsurat mo.
Imo gahum ngan buhat
dadayawon ko.
Urusahon an imo kinaadman,
An ak’ kalag maaram gud hito.
Waray ako sadang gud kabarak-an
Kay mabulig an im’ espiritu.
Diin ako makakatago,
Bas’ diri mo ako hiagian?
Waray lugar bisan ha kasisidman,
Kahitas-an, kahiladman,
o dagat man.
(Kitaa liwat an Sal. 66:3; 94:19; Jer. 17:10.)