1. Kamànyam fa num nsoñ nkuni Yaweh Nsi.

Maʼ lag mve tù oaʼ yen,

mfaʼ mbu Nsi Nganeta.

Léʼnjù njam léʼ tshwèt nyàmde Nsi mve tù.

Tèttsweʼ boa nsa tshwèt nsoñ ze ngùʼ,

Nkôni bo zenu Nsi.

2. Ntshùʼ Yaweh Nsi làn miagde mbèn ntsweʼde ntù,

Ntag mi tshagde bon tse,

a kôg fù mén mba ndùb.

Kàn tse fa tsin, ndùm, ndàn mbèn mbe nenùn.

Ntshùʼ tse tshwèt nziag, ntshob mi tswe ntùn,

Mbèn ndùm ntshùa nkekùa ñwaʼ.

3. Nebwôg Nsi làn, ndàn mbèn nke ntswe yoñ matmat.

Tse tshoʼde ntsha fa tsin

mbèn ntanjoñ ntshùa mbwô gol.

Ntshùʼ tse tshwèt ntag, mbèn ntshètte bon tse fa.

Ze nkuʼni, ngùʼ, mba lén nelàn,

Bʼaʼ tomde ke yaʼ léʼ.