Jehovah En Lagwokwa
-
1. Jehovah en lagwokwa,
Rwotwa ma wageno.
En aye kakanewa;
Myero waring bote.
En bilaro jo ma lugen,
Dong wajenge i tekone.
Jehovah En tekowa,
En lagen dok kite atir.
-
2. Kadi jo gibiony piny
Mapol i ka ngeti,
Jo duc ma kitgi atir,
En pe bikwerogi.
Cwinywa pe myero obed lwor;
Peko marac bibedo pe.
Lubanga bigwokowa,
En biumowa ki bwome.
-
3. Lubanga bigwokowa
Ki i owic ma tye,
Ki gin ma kelo lworo,
Dyewor nyo i dyeceng.
Dong pe wabilworo gin mo,
Wabiwoto ka mo keken.
Jehovah en lagwokwa,
En gwokowa kare ducu.
(Nen bene Jab. 97:10; 121:3, 5; Ic. 52:12.)
