1. Jehova ma lẹẹ gbinna;

’Rẹn ma wa muẹtin yan.

Ma keghi rhi’uhun’ lẹre

Y’ibọkpọ ọgh’Osa.

Ọ gha gbinna ne ’mwa rẹn hia;

Mai zẹdẹ mw’afianma hiehie.

Jehova ma yegbe kọ;

Osa ọgh’ẹmwata ’re nọ.

2. Avbe ’ghian ọgh’Osa mwa

Gha wa dele gbotọ;

Jehova gha wa mudia

Ne ’mwa ni mwẹ ’koata.

Mai khian giorrirri gbe ku’ima;

Oguomirẹi zẹdẹ vbaima.

Osa mwa gha buima rre;

Ọ gha tinbọkpọ ’ghẹe gu’ima.

3. ’Rẹn keghi gbarogh’ima

Vb’ẹgh’asọn kevb’avan.

Ifẹnmwẹ ne ’ghian filo,

’Rẹn keghi gban rẹn fua.

Vbọ khian ghi siohan y’imaegbe,

Vben’Osa na rr’imaiyeke?

Jehova ma lẹẹ gbinna;

Ọ gbarogh’ima vb’ẹghẹ hia.