1. Nou refiz se Zeova,

Limem nou boukliye.

Dan lonbraz nou bon Papa,

Lamem nou pou reste.

So bann fidel Li pou defann,

Lor so lafors nou tou depann.

Nou fortres se Zeova.

Li touzour fidel, zis, ek vre.

2. Pa per kan boukou tonbe,

Zot al lwin ar Bondie.

Bann ki fer so volonte,

Bondie pa pou bliye.

Alor mem dan fon nou leker,

Nou pa pou per okenn maler.

Kont bann piez nou proteze,

Nou anba lezel nou Bondie.

3. Li vey nou ek protez nou

Dan tou difikilte.

Kan aswar laper trap nou,

Li mem dan nou kote.

Ninport kotsa nou pou marse,

Nanye pa pou fer nou tranble.

Kot bizin, Li pou gid nou,

Nou refiz se nou vre Bondie.