1. Dioswanña kawsakuqqa

ancha harkasqamá.

Paywanña kaqkunaqa

paypa llantusqanmá.

Diostaqa mam saqinachu,

mam payqa saqiwasunchu.

Harkaqmi, waqaychaqmi

qamqa kanki Jehova Dioslláy.

2. Achkaña urmaptinpas

manam urmasunchu,

achkaña wichiptinpas

manam wichisunchu.

Diosmá kallpata quqninchik.

Paymá atiyta quqninchik.

Rapranwan harkaq hinam

payqa lliwta harkawasun.

3. Imaña kallaptinpas

ama manchakuychu.

Haykaña kaptinkupas

ama hukmanyaychu.

Diosmá harkakuq taytanchik,

paymá pusakuq taytanchik.

Paywanqa hawkam kanchik,

harkaqninchik taytanchikmá.