1) Ov hino miri skriša,

kaj man šaj garuvav.

O ťjeňos del anglo kham.

Leske čačes paťav.

Hin miro baro Ochrancas,

na chudela man o lovcas.

O šťitos, so chraňinel –

spravodlivo the verno Del.

2) Ezera tele peren,

izdran la daratar.

Choč dikhav, so on keren,

na darav olestar.

Mro jilo smirom ciťinel,

e bibacht man na daravel.

O Del hin miri skriša,

upral ma kridli rozphandel.

3) Pro pasci, so hin pro drom,

ňigda na uštarav.

Na darav la raťatar,

smiroha zasovav.

E hradba man ochrana del,

jagale šipi oj phagel.

Miri zor, o Jehovas,

pro drom manca všadzik phirel.