HLA 10
Kan Pathian Jehova Chu Fak Rawh U!
(Sâm 145:12)
-
1. Fak rawh u! Lal Jehova chu!
A hming ropui chu puang rawh u!
Hriattîr r’u! Rorêl nî a hnai,
Mi tin hnênah vaukhân thu hril r’u;
A Fatîr rorêl hun chu a thleng ta,
Lalpa Jehova’n a puang chhuak;
Chu thu chu hril rawh, mi zawng zawng hnênah,
Pathian thlentîr malsâwmna nên.
(THUNAWN)
Fak rawh u! Lal Jehova chu!
Leiah a ropuizia hril chhuak r’u!
-
2. Fak rawh u! Ring taka zaiin!
Hlimna hla sain, chawimawi r’u!
Lalpaa hlim leh lâwm takin,
A ropuizia huai takin kan puang;
Pathian thiltihte ropui hle mah se,
A ṭhain, a inngaitlâwm reng;
Kan mamawh a hria kan Pa vâna mi’n,
Min chhâng ngei ang kan koh hun chuan.
(THUNAWN)
Fak rawh u! Lal Jehova chu!
Leiah a ropuizia hril chhuak r’u!
(Sâm 89:27; 105:1; Jer. 33:11 en bawk rawh.)
