LEET 10
Loft Jehova, onsen Gott!
(Psalm 145:12)
-
1. Sinjt een Leet fa Jehova Gott!
Moakt sien’ grooten Nomen bekaunt!
Woarnt de Lied: “Gott sien Dach woat kom’!”
Lot de Woarnunk hier’n en jieda Launt.
De Tiet es jekom’, daut Christus rejieet.
Aul daut Lieden haft boolt een Enj.
Vetalt aule Menschen, waut daut bediet,
waut fa Säajnungen Gott woat brinj’!
(KUA)
Sinjt een Leet fa Jehova Gott!
Moakt sien’ Nom’ un siene Macht bekaunt!
-
2. Loft Jehova met lude Stemm!
Sinjt een freidjet Leet fa sien’ Nom’!
Met een Hoat voll von Dankboakjeit
loft de Woakjen, waut hee haft jedon’.
Jehova es huach un majchtich, un doch
es hee deemootich, horcht ons too.
Ons leeftolja Voda weet, waut ons fält,
halpt ons wellich un jeft ons Moot.
(KUA)
Sinjt een Leet fa Jehova Gott!
Moakt sien’ Nom’ un siene Macht bekaunt!
(See uk Psa. 89:28; 105:1; Jer. 33:11.)
