ഗീതം 13
നമ്മുടെ മാതൃകാപുരുഷൻ, ക്രിസ്‌തു
-
1. നമുക്കായ്‌ യഹോവ
നൽകി തൻ മകനെ,
നാം അവന്റെ യാഗത്താൽ രക്ഷ നേടാൻ.
യേശു തൻ പിതാവിൻ
നാമത്തിൻ സ്‌തുതിക്കായ്‌
മാതൃകയായ്‌ ജീവിച്ചു പാരിതിൽ.
-
2. ദൈവത്തിൻ വചനാൽ
പോഷിതനായ്‌ യേശു
ജ്ഞാനത്തിൻ, ഉൾക്കാഴ്‌ചയിൻ നിറവായ്‌ താൻ.
ദൈവേഷ്ടം ചെയ്‌വാനായ്‌
അർപ്പിതനായ്‌ യേശു
നമുക്കു ദൃഷ്ടാന്തമായ്‌ ജീവിച്ചു.
-
3. യേശുവെപ്പോൽ നമ്മൾ
യാഹിനെ സ്‌തുതിക്കാം,
താൻ ചരിച്ച പാതയിൽ നടന്നിടാം.
യാഹിൻ സുതനെ നാം
പിൻചെല്ലാം എന്നെന്നും;
ദൈവത്തിൻ പ്രസാദം നാം പ്രാപിപ്പാൻ.
(യോഹ. 8:29; എഫെ. 5:2; ഫിലി. 2:5-7 കൂടെ കാണുക.)
